“Непрыручаная птушка”
Юбілею Яўгеніі Янішчыц прысвячаецца…
Днямі ў нашым ліцэі прайшоў тыдзень беларускай мовы і літаратуры, які быў прысвечаны беларускай паэтэсе Яўгеніі Янішчыц.
Пасля арганізацыйных мерапрыемстваў панядзелка нас чакаў гасцінны аўторак пад назвай “Не проста ў словы я гуляю…” (дэвізам сталі словы Я.Янішчыц “Дала мне маці гэту мову, каб не нямым прыйшоў у свет”), які правялі ліцэісты 10 ”Е” і 11 “Е” класаў з настаўнікамі беларускай мовы і літаратуры ў пачатку навучальнага дня.
Разам з вучнямі далучыліся да свята беларускай мовы і літаратуры ў ліцэі і педагогі, і нават бухгалтэрыя ў сераду 27.11.2013 г.. Гэта быў дзень стварэння калажаў “Мая Беларусь” пад дэвізам: “Прыедзь у край мой ціхі…” (Я.Янішчыц).
Трэці дзень быў азнаменаваны святам філолагаў.
Ліцэісты 11 “Е” класа пасвячалі ў філолагі вучняў 10 “Е” класа пад кіраўніцтвам настаўнікаў беларускай мовы і літаратуры Люп Людмілы Артураўны і Мяцёлкінай Святланы Міхайлаўны. На свяце прысутнічалі госці: настаўніца беларускай мовы і літаратуры Філімоненка Наталля Пятроўна і настаўніца рускай мовы і літаратуры Шаўцова Алена Віктараўна.На мерапрыемстве “ешачкам” удалося бліжэй пазнаёміцца, прадставіць свае класы, разам паспяваць, прадэкламаваць вершы Я.Янішчыц, якія ўжо палюбіліся, праявіць сябе ў філалогіі і літаратуры, паказаць свае творчыя здольнасці. Завяршылася мерапрыемства салодкім сталом, арганізаваным сумесна, і ўручэннем памятных пасведчанняў і медалёў.
Кафедра беларускай мовы выказвае ўсім вялікі дзякуй за ўвагу і актыўны ўдзел!!!
Фотарэпартаж правялі: Фурманаў Мікіта,Івашкевіч Дар’я,Святлана Міхайлаўна.
