Мерапрыемствы Тыдня роднай мовы “Як ты дорага мне, мая родная мова!” Асалода чытання на роднай мове.
21 верасня ў Ліцэі працягвалася акцыя, прымеркаваная да Дня беларускага пісьменства і Тыдня роднай мовы “Асалода чытання на роднай мове”. Навучэнцы і настаўнікі паведамілі пра кнігі беларускіх класікаў і навінкі, якія яны любяць чытаць і перачытваць.
Вучні 11 “Д” правялі прэзентацыю кнігі “Іван Шамякін: вядомы і невядомы” – змястоўны, багата ілюстраваны твор пра жыццё і творчасць народнага пісьменніка-юбіляра, якому ў Добрушы, сталіцы свята беларускага пісьменства, нядаўна быў узведзены помнік.
У кабінетах беларускай мовы і літаратуры, у ліцэйскім бібліятэчна-інфармацыйным цэнтры створаны і ўвесь час абнаўляюцца тэматычныя выставы кніг. Настаўнік гісторыі Сініла Павел Мікалаевіч пазнаёміў ліцэістаў з унікальнымі асобнікамі сваёй прыватнай бібліятэкі, якую ён збірае шмат гадоў.