Мы – тройчы дзеці ў вечным крузе:

Мы – дзеці роднае сям 'і,

I– дзеці Маці-Беларусі,

I– дзеці Матухны-Зямлі.

30 верасня прыхільнікі беларускай літаратуры адзначылі 85 год з дня нараджэння слыннага паэта, вучонага, фалькларыста, мысляра, таленавітага чалавека і грамадскага дзеяча Ніла Сымонавіча Гілевіча.

Напярэдадні гэтай даты клуб «Натхненне» Палаца культуры вобласці і магілёўская суполка Таварыства беларускай мовы імя Скарыны ладзілі імпрэзу, прысвечаную Паэту. Вечарына была кранальна цёплай і багатай на ўспаміны, вершы, песні. Прыйшлі туды і мы – дзяўчаткі-ліцэісткі з 11 “Е”, Святлана Міхайлаўна і я.

Я была яшчэ і таму, што Ніл Гілевіч быў маім Настаўнікам. Я не буду расказваць, які ён паэт, – аб гэтым вы ведаеце з вашых урокаў. Я зараз аб тым, якім ён быў для мяне…

ДЗЕНЬ НАСТАЎНІКА Ў ЛІЦЭІ

     Дзень настаўніка – адно з самых важных святаў у любой навучальнай установе. Вельмі насычана і ярка прайшоў гэты дзень у нашым ліцэі. Для ўсіх настаўнікаў былі падрыхтаваны цікавыя падарункі, а пасля ўрокаў адбыўся святочны канцэрт. Песні, танцы, відэавіншаванні ад выпускнікоў і ліцэістаў – усё было прысвечана нашым паважаным педагогам. Актыўна ўдзельнічалі ў канцэрце вучні 11 “В”, 11 “А”, 11 “Е”, 10 “Д”, “Е”, і “Б” класаў, а гэтаксама 9 “Д” і 9 “Г”. Разам з ліцэістамі выступілі і некаторыя  настаўнікі – Казлова Любоў Мікалаеўна і Цімафееў Віктар Аляксандравіч. Можна з упэўненасцю сказаць, што ўвесь ліцэй святкаваў Дзень настаўніка – адзін з самых яркіх і запамінальных ліцэйскіх дзён.